Aqmola oblysynda joǵalǵan 3 balyqshynyń ekeýiniń denesi tabyldy
KÓKShETAÝ. QazAqparat - Aqmola oblysynyń Astrahan aýdanynda joǵalǵan úsh balyqshynyń ekeýiniń denesi tabyldy, dep habarlaıdy QazAqparat tilshisi tótenshe jaǵdaılar mınıstrligine baspasóz qyzmetine silteme jasap.
Vedomstvonyń resmı ókili Talǵat Ýálıdiń málimetinshe, balyq aýlaýǵa shyqqan úsh dos ushty-kúıli joǵalyp ketken. Keıin jaǵadan bir shaqyrymdaǵy qamys arasynan tóńkerilgen metall qaıyq tabyldy.
Oqıǵa Uzynkól aýyldyq okrýginiń aýmaǵyndaǵy Barshyn kóline jaqyn tusta bolǵan. Іzdestirý jumystary barysynda 1981 jáne 1976 jyly týǵan eki er adamnyń denesi tabyldy, 1978 jyly týǵan úshinshi er adamdy izdep jatyr.
«Muz astynan balyq aýlaýshylar jeke qutqarý quraly bolǵan kezde ǵana balyq aýlaǵany jón. Eger siz qaıyqta balyq nemese ań aýlasańyz, onda ol tehnıkalyq jaǵynan jaqsy, sý tógetin jáne qutqarý quraldarymen jabdyqtalǵan bolýy kerek. Qaıyqta mindetti túrde qutqarý keýdeshesin kııý jáne eshqandaı oqys qımyl jasamaý, qaıyqtyń shetine eńkeıip turmaý, júrmeý qajet» deıdi vedomstvodan.
Sonymen birge, QR TJM kúzgi-qysqy kezeńde sý aıdyndary juqa muzben jabylatynyn jáne oǵan muz astynan balyq aýlaýdy jaqsy kóretin balyqshylar shyǵyp, óz ómirine qaýip tóndiretinin eske salady.
