Aqmola oblysynda jeti adam karantın aýmaǵynan zańsyz ótpek bolǵan
KÓKShETAÝ. QazAqparat - Aqmola oblysynyń Tselınograd aýdanynda jeti adamǵa (bes er jáne eki áıel adam) qatysty ákimshilik is qaraldy, dep habarlaıdy QazAqparat tilshisi oblystyq prokýratýranyń baspasóz qyzmetine silteme jasap.
Vedomstvonyń málimetinshe, ustalǵandar elordanyń karantın aýmaǵynan aýyl arasyndaǵy qara jolmen jaıaý ótpek bolǵan.
«Tótenshe jaǵdaı tártibin buzǵany úshin olar QR ÁQbK 476 babynyń 1 bóligi boıynsha ákimshilik jaýapqa tartyldy. Er adamdar 10 táýlikke qamalsa, bir áıeldiń júktiligi jáne ekinshisiniń kámelettik jasqa tolmaǵan eki balasynyń bary eskerilip, aıyppul salý jáne eskertý jazasy taǵaıyndaldy», - deıdi vedomstvodan.
