Aqmola oblysynda jerge talasqan áıel kórshisiniń 10 tonna shóbin órttep jiberdi
Oblystyq polıtsııa departamenti baspasóz qyzmetiniń málimetinshe, maýsymnyń 12-de Tselınograd aýdandyq PB kezekshilik bólimine 60 jastaǵy áıel habarlasyp, aýyl turǵyndarynyń biri, shóbin órtep jibergenin aıtqan.
«Oqıǵa ornyna jetken polıtsııa qyzmetkerleri zardap shekken áıeldiń kórshisi mas kúıinde onyń úı aýlasynda úıilgen 10 tonna shóbin órtep jibergenin anyqtady. Kúdikti 20 jastaǵy áıeldiń aıtýynsha, jábirlenýshi men onyń úıleriniń arasyndaǵy jer ýchaskesine (órtengen shóp úıilgen jer) qatysty daý týyndaǵan. Osyǵan baılanysty ol kórshisiniń 10 tonna shóbin órtep jibergen», - dedi vedomstvodan.
Qazirgi kezde, osy oqıǵaǵa baılanysty Qylmystyq kodekstiń 202 babynyń 2-shi bóligi «bótenniń múlkin qasaqana joıý nemese búldirý» boıynsha is qozǵalyp, sotqa deıingi tergeý sharalary júrgizilýde.
