Aqmola oblysynda jer úıde jarylys bolyp, úsh adam kúıip qaldy
AQKÓL. QazAqparat - Aqmola oblysyndaǵy jeke úılerdiń birinde gaz aýa qospasy jaryldy, dep habarlaıdy QazAqparat.
Búgin, 12 aqpan saǵat 10.15 kezinde Aqkól qalasynyń kezekshi pýltine jeke turǵyn úıden órt shyqqany týraly telefon habarlamasy kelip tústi.
Shaqyrtý ornyna 2 birlik tehnıka jáne jeke quramnan 7 adam dereý jiberildi.
Oqıǵa ornyna jetkende gaz-aýa qospasynyń jarylysy nátıjesinde 3 adam jeńil dárejeli termııalyq kúıik alǵany anyqtaldy.
Zardap shekkenderge medıtsınalyq kómek kórsetilip, olardyń biri aýrýhanaǵa jatqyzýdy qajet etpegendikten úıine jiberilgen.
Sondaı-aq janý nátıjesinde jalpy aýdany 7 sharshy metr qazandyqtyń qurylys konstrýktsııalary ishinara zaqymdalǵany anyqtaldy.
Órt 10 saǵat 24 mınýtta oqshaýlanyp, 10 saǵat 29 mınýtta sóndirildi.
Aldynala aqparat boıynsha gaz-aýa qospasy jarylysyna gaz ballonyn jylytý peshiniń janyna qoıý sebep bolǵan.
Aqmola oblysynyń tótenshe jaǵdaılar departamenti oblys turǵyndary men qonaqtaryn órt qaýipsizdigi erejelerin saqtaýdy suraıdy.
