Aqmola oblysynda jeńilissiz sporttyq baıqaý bastaý aldy

KÓKShETAÝ. QazAqparat – QR Táýelsizdiginiń 30 jyldyǵyn merekeleý aıasynda Aqmola oblysynda buqaralyq sportty dáripteýge jáne halyq arasynda salaýatty ómir saltyn nasıhattaýǵa baǵyttalǵan «Ornyqty 30 qadam» aktsııasy bastaldy, dep habarlaıdy QazAqparat tilshisi oblystyq ishki saıasat basqarmasyna silteme jasap.

Erekshe aktsııany dene shynyqtyrý jáne sport basqarmasy janyndaǵy Joǵary sport sheberligi mektebi ótkizedi.

«Baıqaý erejelerine sáıkes, qatysýshylar oblys ortalyǵynyń kóshelerimen kez kelgen qashyqtyqty jaıaý júrginshiniń qozǵalysyn tirkeıtin qosymshada «30» sany bolatyndaı etip júgirýi qajet», - dep atap ótti vedomstvodan.

Іs-shara aqpan aıynyń sońyna deıin ótkiziledi. Barlyq qatysýshylar jeńil atletıkalyq manejge barý úshin abonementter alady.

Eske sala keteıik, QR Táýelsizdiginiń 30 jyldyq mereıtoıyn merekeleý jospary taqyryptyq bólimshege aılar boıynsha bólingen, onda aqpan aıy sporttyq aı bolyp belgilengen. Merekelik is-sharalar jospary «Qulager» ulttyq jáne halyqtyq sport túrleri boıynsha túrli sporttyq sharalardy, oblystyq olımpıadalar men Jastar bastamalaryn ótkizýdi qamtıdy. Jalpy, oblystyq is-sharalar jospary aıasynda óńirde 5 000-nan astam is-shara, onyń ishinde 53 nysandy, ıaǵnı áleýmettik sala men ónerkásiptik kásiporyndardy ashý jáne paıdalanýǵa berý josparlanýda.