Aqmola oblysynda jeńil ónerkásip qaýymdastyǵy qurylmaq
KÓKShETAÝ. QazAqparat - Aqmola oblysynda jeńil ónerkásip qaýymdastyǵyn qurý josparlanýda. Bul týraly Qazaqstan Respýblıkasy «Atameken» ulttyq kásipkerler palatasy prezıdıýmy hatshylyǵynyń basshysy Lázzat Ramazanovanyń qatysýymen ótken isker áıelderdiń óńirlik keńesinde aıtyldy, dep habarlaıdy «QazAqparat» HAA tilshisi.
Óńirlik kásipkerler palatasynyń málimeti boıynsha, jeńil ónerkásip qaýymdastyǵy osy saladaǵy kásiporyndardyń basyn ǵana qosyp qoımaı, ortaq máselelerdi sheshýge, jańa áriptesterdi izdeýge, shyǵarylatyn ónim kólemin ulǵaıtyp, ónimdilikti arttyrýǵa járdem jasamaq.
Keńeste bıznes hanym kadr tapshylyǵy tárizdi problemalarǵa toqtalyp, ony sheshý joldaryn qarastyrdy.
«Biz búgin ózimdi ǵana emes, qaramaǵymyzdaǵy jumysshylardyń biliktiligin arttyrýymyz qajet. Mamandardyń bilimin jetildirý úshin tájirıbeli bıznes jattyqtyrýshylar men koýcheılerdi tarta otyryp, túrli semınarlar men trenıngter uıymdastyrý qajet», dedi Lazzat Ramazanova.
Kezdesý barysynda «Qazaqstannyń úzdik taýary» baıqaýyna, Aqmola oblysynyń isker áıelder forýmyna bıznes hanymdardyń qatysý máselesi de aıtyldy.
