Aqmola oblysynda jeńil kólik joldyń qorshaýyna soǵyldy
KÓKShETAÝ. QazAqparat – «Ekaterınbor-Almaty» tasjolynyń Aqmola oblysy aýmaǵy arqyly ótetin tusynda jeńil kólik joldyń shetindegi qorshaýǵa soǵyldy, dep habarlaıdy QazAqparat tilshisi oblystyq polıtsııa departamentiniń baspasóz qyzmetine silteme jasap.
Vedomstvonyń málimetinshe, jol apaty 23 qyrkúıek saǵat 14:20 shamasynda «Ekaterınbor-Almaty» tasjolynyń 1080-shaqyrymynda bolǵan.
«Anyqtalǵandaı, «Mercedes-Benz» kóliginiń júrgizýshisi rólge ıe bola almaı, joldyń shetindegi qorshaýǵa soǵyldy. Zardap shekkender joq. Júrgizýshige qatysty QR ÁQbK 620-baby boıynsha ákimshilik hattama toltyryldy» dep túsindirdi vedomstvodan.
Aıta ketsek, atalmysh jol apaty týraly beınejazba áleýmettik jelide jarııalandy. Onda joldyń shetindegi qorshaýdyń kólikke shanshylyp qalǵanyn kórýge bolady.
