Aqmola oblysynda jeńil kólik pen KamAZ-dyń soqtyǵysýy saldarynan úsh adam zardap shekti
ASTANA. 1 tamyz. QazAqparat - Aqmola oblysynda jol-kólik oqıǵasynyń saldarynan úsh adam zardap shekti, dep habarlady Aqmola oblysy Іshki ister departamentiniń baspasóz qyzmetinen.
«31 shilde kúni saǵat 11.00 shamasynda «Astana-Petropavl» tas jolynyń 243-shi shaqyrymynda jol-kólik oqıǵasy oryn aldy: jeńil kólik júrgizýshisi, Sátbaev qalasynyń turǵyny, 1953 jyly týǵan azamat Astana baǵytynda ketip bara jatyp, Tatarstan Respýblıkasynyń 48 jastaǵy azamaty júrgizip kele jatqan KamAZ tranzıt kóligimen soqtyǵysqan», - delingen resmı habarlamada.
Soqtyǵysý saldarynan jeńil kólik aýdarylyp, onyń úsh jolaýshysy túrli jaraqatpen ortalyq aýdandyq aýrýhanaǵa jetkizilgen.
