Aqmola oblysynda jemqorlyqty aldyn alý jumystary túsindirildi
Sapar aıasynda top músheleri Ereımentaý, Atbasar, Sandyqtaý aýdandary jáne Kókshetaý qalasynadaǵy bilim berý, medıtsına, aýyl sharýashylyǵy jəne ónerkəsip salalaryndaǵy eńbek ujymdary jəne qarapaıym halyqpen kezdesti.
Kezdesýde halyq arasynda sybaılas jemqorlyqqa qarsy mádenıetti qalyptastyrý, memlekettik qyzmet kórsetý oryndarynda qyzmet alýshylardyń quqyqtary men mindetteri, olardy jemqorlyq áreketterine jol bermeýge shaqyrý, para berý nemese alý áreketteri oryn alǵan jaǵdaıda, quqyq buzǵandarǵa qandaı jazalar qoldanylatyndyǵyn túsindirdi.
Sondaı-aq, memlekettik qyzmet kórsetý sapasyna monıtorıng júrgizildi.
Məselen, Ereımentaý aýdanynda bolǵan top múshesi Záýre Battalova turmystyq jemqorlyqtyń keltiretin zalalyn aıta kele, bıýdjet qarajatyn tıimdi qoldaný jəne ony baqylaýdy kúsheıtý qajettigin atap ótti. Memlekettik organdardyń memlekettik qyzmet kórsetý jumystarynyń qorytyndysy shyǵaryldy. Keıbir kemshilikterdi joıý men qyzmet kórsetý sapasyn arttyrý boıynsha jergilikti arnaıy monıtorıng toptarǵa usynystar aıtyldy.
Sonymen qatar, top músheleriniń sapary Atbasar, Sandyqtaý aýdandary jəne Kókshetaý qalasynda jalǵasty.
Sapar sońynda Aqmola oblysy ákiminiń orynbasary Oljas Bektenovtyń qatysýymen Qazaqstan Respýblıkasynyń memlekettik Qyzmet isteri jáne sybaılas jemqorlyqqa qarsy is-qımyl janyndaǵy arnaıy monıtorıngtik top jáne jemqorlyqpen kúres máseleleri boıynsha oblystyq komıssııanyń birlesken otyrysy bolyp ótti.
Onda respýblıkalyq arnaıy monıtorıngtik top músheleri jemqorlyqtyń aldyn alý jáne eskertý, oǵan qarsy úgit-nasıhat jumystaryn jandandyrý kerektigine erekshe kóńil bóldi. Óz ókilettikterin asyra paıdalanýdy boldyrmaý úshin jergilikti sheneýnikterdiń is-áreketi men memlekettik qyzmet kórsetý sapasyna únemi baqylaý, monıtorıng júrgizý máselesi de nazardan tys qalǵan joq.