Aqmola oblysynda jemqorlyqpen kúres strategııasy talqylandy

Sonymen qatar memlekettik qyzmet kórsetý sapasy, turǵyndar arasynda jemqorlyqqa qarsy mádenıetti qalyptastyrý máseleleri talqylanǵan sharaǵa aımaq basshysy Málik Myrzalın, qala jáne aýdan ákimderi, oblystyq basqarma, vedomstvo basshylary, úkimettik emes uıymdardyń, buqaralyq aqparat quraldarynyń ókilderi qatysty.

Otyrysta kún tártibindegi birinshi másele boıynsha oblys ákiminiń orynbasary Oljas Bektenov baıandama jasap, sybaılas jemqorlyqtyń aldyn alý jóninde ókiletti organdarmen birlese qolǵa alynyp jatqan sharalarǵa toqtalyp ótti. 

Jyl basynan beri turǵyndar arasynda jemqorlyqqa qarsy mádenıetti qalyptastyrý maqsatynda jergilikti buqaralyq aqparat quraldarynda 900-den, ǵalamtorda 350-den astam materıal jarııalandy. Búginde memlekettik mekemeler 189 memlekettik qyzmet túrlerin kórsetedi. Jyl basynan beri jergilikti atqarýshy organdar 3 mıllıonnan astam memlekettik qyzmet túrlerin kórsetken.

 

Jıynda keltirilgen málimetterge súıensek, jyl basynan beri oblys aýmaǵynda 143 sybaılas jemqorlyq faktisi tirkelip, onyń jartysy sotqa jiberilgen. 49 adam qylmystyq jaýapqa tartylǵan. Ótken jyly memlekettik qyzmet kórsetý merzimine qatysty segiz zańbuzýshylyq tirkelse, ústimizdegi jyly bir zańbuzýshylyq anyqtalǵan. 10 memlekettik qyzmetshi tártiptik jaýapqa shaqyrylyp, 5 adam qyzmetinen bosatyldy.

Jıynda sóz alǵan Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqmola oblysy boıynsha departamentiniń basshysy Bergen Bespalınov departament bastamasymen qoǵamdyq reıd pen aýdıt komıssııasy qurylyp, atalǵan komıssııa qyzmetin asyra paıdalaný, qyzmettik kólikti maqsatsyz qoldaný sekildi zańbuzýshylyqtardyń jolyn kesýmen aınalysyp jatqanyn atap ótti. Sondaı-aq, jemqorlyq qaýipi zor mekemelerdiń monıtorıngi jasalady. Bul joly oblystyq kóliktik baqylaý ınspektsııasynda birneshe sybaılas jemqorlyq qaýipi anyqtalǵany, memlekettik qyzmetshilerdiń almasý kórsetkishi joǵary bolyp otyrǵany aıtyldy. Bul problema ásirese Arshaly, Eńbekshilder, Shortandy aýdandarynda kóbirek tirkelgen.

Máselege qanyqqan agenttik tóraǵasynyń orynbasary kadr máselesiniń durys jolǵa qoıylýy memlekettik qyzmettiń bedeline tikeleı áser etetinin tilge tıek etip, departament basshysy Bergen Bespalınovke atalǵan máselelerdi jiti nazarda ustaýdy tapsyrdy.

 

Sonymen qatar, sharada memlekettik qyzmet kórsetý sapasyn jaqsartý máselesi de kún tártibinde jan-jaqty sóz boldy.