Aqmola oblysynda jemqor dárigerge iri kólemde aıyppul salyndy

KÓKShETAÝ. QazAqparat - Aqmola oblysynyń Esil aýdandyq aýrahanasynyń bas dárigerine 2,4 mıllıon teńge kóleminde aıyppul salyndy, dep habarlaıdy QazAqparat tilshisi Esil aýdandyq sotynyń úkimine silteme jasap.

Eske sala keteıik, aǵymdaǵy jyly Naýryz merekesi aldynda 61 jastaǵy Esil aýdandyq aýrýhanasynyń bas dárigeri kıiz úı úshinde 40 myń teńge kóleminde para alyp jatqan jerinde ustalǵan bolatyn.

Sotta anyqtalǵandaı 2018 jyldyń aqpan aıynda jeke kásipkerdiń ókili Esil aýdandyq aýrýhanasyna mobıldi tólemderdi qabyldaıtyn termınal ornatý jóninde bas dárigerden ruqsat suraıdy. Aýrýhana basshysy ruqsat beredi. Termınal ornatylady. Alaıda, alǵashqy termınal ornatylǵannan keıin bas dárirger «máseleniń oń sheshilýi úshin» 40 myń teńge para suraıdy.

Jeke kásipkerdiń ókili oǵan kelisip, birden jemqorlyqqa qarsy qyzmetke júginedi. Keıin 20 naýryzda Esil qalasyndaǵy ortalyq alańda Naýryz merekesi aldynda ornatylǵan kıiz úıdiń ishinde aldyn ala kelisilgen somany alyp jatqanda bas dáriger qolǵa túsedi.

Osylaısha, QR QK 366 babynyń 2 bóligi boıynsha aıyptalǵan bas dárigerdi sot istegen qylmysyna ókingenin eskerip, alǵan parasyna 60 ese kólemde, múlkin tárkileýsiz 2400000 teńge aıyppul saldy. Oǵan qosa, bas dáriger ómir boıyna memlekettik qyzmette isteý quqynan aıyryldy. Sot úkimi zańdy kúshine engen joq.