Aqmola oblysynda jelden sý jınaý munarasy qulap qaldy
KÓKShETAÝ. QazAqparat - Birjan sal aýdanynyń Makınka aýylynda ekpindi jel sý jınaý munarasyn qulatty. Bul týraly brıfıngte Aqmola oblysy TJD bastyǵynyń orynbasary Qanat Dospaev aıtty, dep habarlaıdy QazAqparat tilshisi.
«Birjan sal aýdanynyń Makınka aýylynda ekpindi jeldiń saldarynan sý jınaý munarasy qulap qaldy. Osynyń saldarynan aýyldyń turǵyndary 1,5 myń turǵyny aýyzsýsyz qaldy. Qazirgi kezde oqıǵa ornynda aýdan ákimdigi men tótenshe jaǵdaılar bóliminiń qyzmetkerleri jumys isteýde», - dedi Qanat Dospaev.
Qanat Dospaev atap ótkendeı, qazirgi ýaqytta atalmysh aýyl turǵyndaryn sý tasymaldanyp jetkizilýde. Sonymen qatar, sý jınaý munarasyn qalpyna keltirý máselesi sheshilýde.
