Aqmola oblysynda jel jáne kún elektr stansalary salynyp jatyr
KÓKShETAÝ. QazAqparat – Bıyl Aqmola oblysynyń Arshaly aýdanynda «TsATEK Green Energy» JShS jel elektr stansasyn salý boıynsha iri jobanyń alǵashqy kezeńin (qýaty 50 MVt) júzege asyrady, dep habarlaıdy QazAqparat tilshisi aımaq basshysynyń orynbasary Marat Iǵalıevke silteme jasap.
«2019 jyly Aqmola oblysynyń Arshaly aýdanynda «TsATEK Green Energy» JShS jel elektr stansasyn salý boıynsha iri jobanyń alǵashqy kezeńi (qýaty 50 MVt) júzege asyrady. Ekinshi kezeńde qýattylyqty 100 MVt deıin arttyrý qarastyrylǵan. Sonymen birge, kompanııanyń úshinshi kezeńde qýattylyqty eki esege arttyrý josparynda bar», - dep jazdy Aqmola oblysy ákiminiń orynbasary Marat Iǵalıev óziniń Іnstagram paraqshasynda.
Sonymen birge, onyń aıtýynsha, 2020 jyly Tselınograd aýdanynda «KB Enterprises» JShS (qýaty 100 MVt) kún elektr stansasyn iske qosýdy josparlap otyr. Jobaǵa quıylatyn ınvestıtsııa kólemi 53,3 mıllıard teńge jáne ol sheteldik kapıtaldyń qatysýymen júzege asyrylady. Búgingi kúni aýmaǵy 300 gektar jer telimi bólinip, jobalyq-zertteý jumystary júrgizilýde.
