Aqmola oblysynda jel elektr stansysy salynyp jatyr
KÓKShETAÝ. QazAqparat - Aqmola oblysy Arshaly aýdanynyń ákimi Azamat Taıjanov Bulaqsaı aýylynda boldy. Onda «TsATEK Green Energy» seriktestigi jel elektr stansysyn salyp jatyr, dep habarlaıdy QazAqparat ishki saıasat basqarmasyna silteme jasap.
Qýaty 50 MVt bolatyn stansy keler jyly barlyq qajetti ınfraqurylymdarmen qamtamasyz etilip, nysanǵa Vestas kompanııasynyń V112-3.3MW markili 15 jel generatorlary qoıylady.
Atalǵan joba sátimen júzege asyrylatyn bolsa, 10 myńnan astam adamnyń elektr qýatyna degen qajettilikterin jańǵyrtylatyn energııa kózderi arqyly qamtamasyz etýge múmkindik týady.
Qurylys kezinde 300 jumys orny qurylady, nysanda qyzmet kórsetý úshin 20 adam turaqty jumys isteıtin bolady.
Jel elektr stantsııasynyń qurylysy 2019 jyldyń ortasyna taman aıaqtalady.
