Aqmola oblysynda jekeshelendirýden bıýdjetke 44 mıllıonnan astam qarjy tústi
Basqarmanyń deregine súıensek, Aqmola oblysynda aǵymdaǵy jyldyń on aıynda 184 kommýnaldyq menshik nysany satyldy. Olardyń 124-i oblystyq ta, 60-y aýdandyq kommýnaldyq múlik nysandary.
"Satýdan bıýdjetke 44 397,9 myń teńge qarjy tústi. «Jekeshelendirýdiń 2016-2020 jyldarǵa arnalǵan keıbir məseleleri týraly» QR Úkimetiniń 2015 jylǵy 30 jeltoqsandaǵy №1141 qaýlysymen Jekeshelendirýdiń keshendi jospary bekitildi. Soǵan səıkes Aqmola oblysy boıynsha 11 uıym bəsekeli ortaǵa berýge jatady. Onyń ishinde, bekitilgen kestege səıkes, 2016 jyly saýdaǵa 2 uıym shyǵaryldy. Nətıjesinde, bir kəsiporyn - «Stepnogorsk - Tazalyq» JShS-i - 2016 jyldyń 9 qyrkúıeginde úshinshi saýda-sattyqta satyldy.
Ekinshi nysan boıynsha («Atbasar qalasynyń jolaýshylar tasymaly» JShS-i) ótinimderdiń bolmaýyna baılanysty saýda-sattyq úsh ret te ótpeı qaldy. «Tazalyq» MKK bankrot dep tanylyp, osyǵan baılanysty kəsiporyndy satý bankrotty basqarýshymen júrgiziletin bolady. «Kókshetaý Qala Kadastry» taratylatyn bolady, osyǵan baılanysty olardyń qyzmeti memlekettik monopolııaǵa jatady. Qalǵan jeti nysandy bəsekeli ortaǵa berý («Kókshe-Jərdem» MKK, «Kókshe Qamqor» JShS, «Oblystyq salaýatty saltyn qalyptastyrý ortalyǵy» MKK, «Sporttyq oıyn túrleri boıynsha sport klýby» MKK, «Arlan» kəsibı hokkeı klýby» JShS, «Oqjetpes» fýtbol klýby» MKK , «Býrabaı» sport saraıy» MKK) 2017-2020 jyldarǵa josparlanǵan.
Jekeshelendirýge jatatyn memlekettik múlik nysandary týraly aqparat www. gosreestr.kz veb-saıtynda ornalastyrylady jəne merzimdi baspa basylymdarynda jarııalanady", dep kórsetilgen habarlamada.
