Aqmola oblysynda jeke ınvestıtsııa esebinen 600 jumys orny ashylǵan

ASTANA. QazAqparat – Jyl basynan beri Aqmola oblysynyń ekonomıkasyna 180,5 mlrd teńge ınvestıtsııa tartyldy, onyń 90% - jeke ınvestıtsııalar, dep habarlaıdy QazAqparat tilshisi.

Bul týraly óńir ákimi Ermek Marjyqpaev elordada eseptik brıfıngte aıtyp berdi.

«Bıylǵy tórt aıda oblys ekonomıkasyna 180,5 mlrd teńge tartyldy jáne ótken jylǵy deńgeıge qaraǵanda 19% ósim bar. Onyń ishinde, jeke ınvestıtsııa úlesi - 90%», - dedi oblys ákimi ortalyq kommýnıkatsııalar qyzmetinde.

Onyń aıtýynsha, syrtqy sheteldik ınvestııalar kólemi – ótken jylǵy deńgeıden 1,5 ese ósimimen 22,5 mlrd teńgeni qurady.

«Bıyl jyl basynan bastap, jeke menshik ınvestıtsııa esebinen 28,6 mlrd teńgege 16 joba júzege asyryldy, 600-ge jýyq jańa jumys orny ashyldy. Jalpy, 2023 jyly Aqmola oblysynda 3 myńnan astam jumys ornyn ashý arqyly 193,2 (mlrd teńgege 192 (jobany iske qosý josparda bar», - dedi Ermek Marjyqpaev.

Buǵan deıin aımaq ákimi Aqmolada agrarlyq salaǵa 106 mlrd teńge bólingenin, azyq-túlik óndirisi boıynsha 92 ınvestıtsııalyq joba qolǵa alynǵanyn aıtqan edi.