Aqmola oblysynda jedel járdem shaqyrý kórsetkishi tómendedi
Basqarma basshysynyń aıtýynsha, bıylǵy jyldyń 25 aqpany men 3 naýryzy aralyǵynda óńirde 4469 jedel járdem shaqyrtýy tirkelgen bolsa, 4-10 naýryz aralyǵynda bul kórsetkish 4411 qurady nemese 0,7 paıyzǵa tómendedi
«Pnevmonııaǵa baılanysty shaqyrýlardyń 27,7 paıyzǵa tómendeýi baıqalady. Ótken aptadaǵy 36-dan 26-ǵa deıin. KVI sebebinen shaqyrýlar sany 1,6 paıyzǵa, ıaǵnı 60-tan 59-ǵa deıin tómendedi, onyń ishinde 12 adam ǵana aýrýhanaǵa jatqyzyldy (20,3 paıyzy)», - dedi N.Syzdyqov.
Kókshetaý boıynsha jedel járdem shaqyrý 1572-den 1542-ge deıin, ıaǵnı 1,9 paıyzǵa tómendegen. Bul rette KVI sebebi boıynsha jedel járdem brıgadasyn shaqyrý 17,6 paıyzǵa, ıaǵnı, 17-den 14-ke deıin azaıǵan. Osy ýaqyt ishinde COVID-19 dıagnozymen oblys ortalyǵynyń úsh turǵyny ǵana aýrýhanaǵa jatqyzyldy (21,4 paıyz).
Sonymen qatar, oblystyq densaýlyq saqtaý basqarmasynyń basshysy atap ótkendeı, óńirde JRVI jaǵdaıyna baılanysty shaqyrýlar ótken aptadaǵy 309-dan 332-ge deıin, ıaǵnı 7,4 paıyzǵa artqany baıqalady.
«Oblysta koronavırýstyq ınfektsııa boıynsha jaǵdaı qolaıly bolyp qalýda, ótken táýlikte COVID-19 aýrýynyń eki jaǵdaıy ǵana tirkeldi. Óńirdiń statsıonarlarynda 40 naýqas KVI-dan emdelýde», - dep tolyqtyrdy N. Syzdyqov.