Aqmola oblysynda jedel járdem shaqyrý kóbeıdi - Aleksandr Vysotskıı
Onyń aıtýynsha, sońǵy eki aptany salystyrǵanda koronavırýs ınefektsııasynyń taralýy kúrt artqany aıqyn baıqalady. Eger 2021 jylǵy 31 jeltoqsannan 2022 jylǵy 6 qańtarǵa deıin óńirde 4941 jedel járdem shaqyrý tirkelgen bolsa, 7-13 qańtar aralyǵynda bul kórsetkish 5390 jetti, ıaǵnı shaqyrýlar 9,1 paıyzǵa ósip otyr. Oblys ortalyǵy boıynsha shaqyrýlardyń 1648-den 1950-ge deıin-18,3 paıyzǵa ósýi baıqalady. Kókshetaýda KVI-men baılanysty syn-qaterler 44-ten 137 jaǵdaıǵa deıin artqan.
«Jedel medıtsınalyq kómek kórsetý qyzmeti boıynsha jaǵdaı nasharlaýda. Shaqyrýlar da jáne KVI-men aýrýhanaǵa jatqyzylǵandar sany da kóp. Qańtar aıynyń basymen salystyrǵanda statsıonarlarǵa jatqyzylǵandar sany 47 paıyzǵa ulǵaıdy. Buǵan «omıkron» sebep bolyp otyr. Alaıda, oǵan tek zerthanalyq taldaý arqyly kóz jetkize alamyz. PTR nátıjesiniń barlyǵy oń. «Omıkron» shtammy basqa shtammdarmen salystyrǵanda joǵary kontagıozdylyqpen jáne qysqa ınkýbatsııalyq kezeńmen sıpattalady. Naýqastarymyzdan baıqap otyrǵanymyzdaı «Omıkron» ózge vırýstar tárizdi kómeı men traheıanyń shyryshty qabyǵynyń jedel qabynýyn týdyrýy múmkin jáne klınıkalyq túrde dóreki, «úrgen» jótel, daýys tembriniń buzylýy jáne tynys alýdyń buzylýy arqyly kórinedi. Bul belgiler paıda bolǵan kezde dereý medıtsınalyq kómekke júginý jáne dárigerden tıisti em alý mańyzdy», - dedi A.Vysotskıı.
Ol atap ótkendeı, qazirdiń ózinde aralas delta+omıkron shtammy týraly málimetter bar. Sondyqtan, COVID-19 bul jolǵy kezekti tolqyny kezinde aýrý tek jeńil jáne ortasha dárejede ótedi dep senýge bolmaıdy.
«Omıkron» shtammymen juqtyrý qaýpin azaıtý úshin áleýmettik baılanystardy azaıtý qajet. Bul onyń taralýyn azaıtýdyń eń tıimdi ádisi. Sondaı-aq, dál qazir vaktsınatsııalaý jáne qaıta vaktsınatsııalaý qajet, biz bul vırýsty basqasha jeńe almaımyz», - dep tolyqtyrdy jedel járdemniń bas dárigeri.
Eske sala ketsek, Aqmola oblysy KVI taralý deńgeıi boıynsha «qyzyl» aımaqta tur.