Aqmola oblysynda jedel járdem shaqyrý 6,8 paıyzǵa tómendedi
Aqmola oblystyq jedel medıtsınalyq kómek kórsetý stantsııasynyń bas dárigeri Aleksandr Vysotskııdiń aıtýynsha, oblysta halyq sany 784 508 adamdy quraıdy. Halyqqa jedel medıtsınalyq kómek kórsetý úshin bir qalalyq, 19 aýdandyq qosalqy stantsııa jáne 17 jedel medıtsınalyq kómek bólimshesi bar. Oblystyq jedel járdem stantsııasynyń qýatty táýlik boıy jumys isteıtin 69 brıgadany, onyń ishinde 9 dárigerlik jáne 60 feldsherlik brıgadany quraıdy. Olar sanıtarlyq avtokólikpen jáne medıtsınalyq jabdyqtarmen 100 paıyz qamtamasyz etilgen.
«Bıylǵy jyldyń toǵyz aıynda jedel medıtsınalyq kómekke 216 595 shaqyrtý kelip tústi, olardyń sany 6,8 paıyzǵa tómendedi. Konsýltatsııalar sany 5,7-den 7,7 paıyzǵa deıin ósti. Ortasha táýliktik júkteme bir brıgadaǵa 12,4 shaqyrýdan keledi», - dedi Aleksandr Vysotskıı.
Jaraqattar boıynsha 0,9 paıyzǵa, tynys alý organdarynyń aýrýlary boıynsha - 6,3 paıyzǵa, ish qýysynyń jiti hırýrgııalyq aýrýlary boıynsha - 2 paıyzǵa shaqyrtýlar óskeni baıqalady. Júrek-tamyr júıesi aýrýlarynyń úles salmaǵy 22,5 paıyzdy quraıdy.
«2022 jyldyń 9 aıynda óńirde 683 jol-kólik oqıǵasy oryn aldy (51 jaǵdaıǵa ulǵaıdy), jol-kólik oqıǵasy kezinde 981 adam zardap shekti, 798 adam statsıonarǵa jetkizildi, onyń ishinde aýrýhanaǵa jatqyzylǵandar sany – 387. Jol-kólik oqıǵasy kezinde 42 adam kóz jumdy (4,3%), 2021 jyldyń uqsas kezeńinde – 47», - dep qosty Aleksandr Vysotskıı.
Jedel járdem brıgadalary statsıonarlarǵa 46 773 naýqasty jetkizdi, onyń ishinde aýrýhanaǵa jatqyzýǵa - 22 422 (47,9%), qabyldaý bólmesinde medıtsınalyq kómek kórsetýge – 24 351 (52,1%). Barlyǵy 19 764 adam aýrýhanaǵa jatqyzyldy.
«Medıtsınalyq avıatsııa 275 shaqyrýǵa qyzmet kórsetti, onyń ishinde jerústi avtokóligimen - 242, áýe kóligimen - 33. Bizde eski áýejaı aımaǵynda ornalasqan AN-2 kóligi men ushaǵy bar. Budan basqa, medıtsınalyq qyzmetkerlerdi shuǵyl medıtsınalyq kómek kórsetýdiń halyqaralyq standarttary boıynsha 100 paıyz oqytý júrgizildi. Sondaı - aq, júrgizýshiler «qaýipsiz júrgizý» trenıngine 100 paıyz daıyndalǵan», - dep túıindedi Aleksandr Vysotskıı.
