Aqmola oblysynda jazǵy mekteptiń jumysy jandanbaq
KÓKShETAÝ. QazAqparat - Aqmola oblysynda jazǵy mekteptiń jumysy jandanady. Óńirdegi jazǵy mektepterdiń jumysy bıylǵy oqý jyly aıaqtalǵan soń maýsymnyń 19-na deıin jalǵasatyn bolady, dep habarlaıdy QazAqparat tilshisi oblystyq ishki saıasat basqarmasy.
Oblystyq bilim basqarmasynyń málimetinshe, mundaı bilim berý erikti túrde júzege asady, ata-analardyń tıisti ótinishi negzinde jáne pán muǵalimderiniń usynysy boıynsha júrgiziledi.
«Bıylǵy oqý jylynda pandemııaǵa baılanysty birqatar ózgerister oryn aldy. Bizde jalpy bilim beretin 556 mekteptiń 80 paıyzy shtattyq rejımde, 20 protsenti qashyqtan bilim berdi. Qashyqtan oqytý rejıminde 300 oqýshydan artyq bala bilim alatyn, negizinen qalalyq, aýdandyq mektepter jumys istedi. Onyń ishinde 6,7,8 synyptar ǵana. Qalǵan synyptar oflaın formatta bilim aldy, Osy rette, oblysta jazǵy mekteptiń jumysy jandanady. Óńirdegi jazǵy mektepterdiń jumysy bıylǵy oqý jyly aıaqtalǵan soń maýsymnyń 19-na deıin jalǵasatyn bolady», - dedi vedomstva basshysy Beıbit Júsipov.
Aǵymdaǵy oqý jylynda Aqmola oblysynyń mektepterinde 130 myńǵa jýyq oqýshy bilim alýda. Bıyl 5040 túlek jalpy orta bilim týraly attestat alatyn bolsa, 10 196 oqýshyǵa negizgi orta bilim týraly attestat beriledi.
