Aqmola oblysynda jazasyn óteýshiniń qashýynyń jol kesildi
ASTANA. Tamyzdyń 14-i. QazAqparat /Ǵalymjan Hasenov/ - Aqmola oblysynda sottalǵan azamattyń qashýynyń joly kesildi,
dep habarlaıdy aımaqtyń QAJK departamentiniń baspasóz qyzmeti.
Baspasóz qyzmetiniń ókili Irına Gornovanyń habarlaýynsha, Stepnogor qalasynyń shetinde ornalasqan Zaýyt poselkesindegi qatań tártiptegi kolonııanyń 25 jastaǵy jazasyn óteýshisiniń qashý áreketi búgin 2 saǵat 52 mınótte oryn aldy.
Kúzet tireginiń kúzetshisi qyraǵylyq tanytyp, qylmyskerge eskertý retinde birneshe dúrkin aspanǵa oq atty. Biraq qylmysker eskertýdi masa shaqqan qurly kórmegendikten, kúzetshi qarýyn qylmyskerge baǵyttaıdy. Nátıjesinde, asa qatigezdikpen birneshe adamdy óltirgeni úshin 19 jylǵa bas bostandyǵynan aıyrylǵan qylmysker jer jastandy.
Bıylǵy jyly Aqmola oblysynda qylmyskerlerdiń túrmeler men kolonııalardyń qashýǵa áreket etýiniń bul ekinshi faktisi, dep atap ótti I.Gornova.
Jedel aqparat boıynsha, respýblıka aýmaǵynda 2010 jyldyń basynan beri qylmyskerlerdiń qashýynyń bul besinshi faktisi eken.
