Aqmola oblysynda jazasyn óteýshiler «Qozy-Kórpesh – Baıan-Sulý» kúnin atap ótti
KÓKShETAÝ. QazAqparat - Aqmola oblysyndaǵy túzetý mekemelerinde jazasyn ótep jatqandar «Qozy-Kórpesh – Baıan-sulý» kúnin atap ótti, dep habarlaıdy QazAqparat tilshisi oblystyq Qylmystyq atqarý júıesi departamentiniń baspasóz qyzmetine silteme jasap.
Qazaq halqynyń lıro-epostyq jyrlarynyń ishindegi eń kórkemi ári eń kóp taralyp, tanylǵany Qozy Kórpesh pen Baıan sulý jyry. 15 sáýir – Qozy Kórpesh – Baıan sulý kúni elimizde 1999 jyldan beri toılanyp keledi. Bastapqy jyldary ol keı óńirlerde ishinara atalyp ótse, qazir elimiz boıynsha keń qanat jaıýda.
Qozy men Baıannyń antqa berik múltiksiz móldir mahabbaty men názik sezimderi búgingi jas urpaqqa úlgi ónege.
«Búgin Aqmola oblystyq qylmystyq atqarý júıesi departamentiniń túzetý mekemesinde jas juptardyń beınebaılanysy uıymdastyryldy. Jazasyn ótep jatqan er adamǵa áıeli kelip, bir-birine degen adal, pák, kirshiksiz taza sezimderin aıtyp, ómirdiń qıyn kezinde qoldaý bildirdi.
Al, taǵy bir jas kelinshek, joldasyna ákelgen alma jáne kámpıttiń arasyna óziniń sýretimen birgen mahabbat pen adaldyqtyń sımvoly - «Júrekshe» tapsyrdy»,-dedi vedomstvodan.
