Aqmola oblysynda jazasyn óteýshi kolonııa aýmaǵynda kókónis ósirdi
KÓKShETAÝ. QazAqparat – Aqmola oblysynda jazasyn óteýshi ETs-166/25 túzetý mekemesiniń aýmaǵynda bólingen jer teliminen eki kúnniń ishinde 50 keli kókónis jınady, dep habarlaıdy QazAqparat tilshisi.
Aqmola oblysy boıynsha Qylmystyq atqarý júıesi departamentiniń baspasóz qyzmetiniń málimetinshe, sottalǵan Aryslan alǵash ret rejımdik mekemege túsken.
«Moraldyq turǵydan óte qıyn boldy. Maǵan kóńil bólgen kolonııa psıhology Ivan Gavrılenkoǵa úlken rahmet. Ol maǵan kásibı terapııamen aınalysýǵa keńes berdi, ıaǵnı baqsha ósirýmen. Bul kásip maǵan unaıdy. Bala kezimde men oqyǵan ınternatta baǵbandar kókónister men jemisterdi qalaı ósirgenin kórdim», - dep bólisti tutqyn. Aryslan ózi úshin jańa ispen shyndap aınalysty. Mekeme ákimshiligi usynysty maquldady.
«Ol mekemeniń dúkeninen tuqym satyp aldy. Mekeme aýmaǵynda baqsha ósirý úshin bos jerler kóp. Jazdyń ystyq bolýy jáne durys kútim óz jemisin berdi. Aryslan óz qolymen qııardyń birneshe túrin ósirdi, olardyń keıbireýleri uzyndyǵy 60 sm. Sonymen birge, asqabaq jáne buryshtyń birneshe túri ósiriledi», - dedi vedomstvonyń baspasóz hatshysy Irına Gornova.
Osynyń araqasynda baǵban eki kúnde 50 keliden astam kókónis jınady. Oǵan ózge sottalǵandar kómektesýde. Kelesi jyly kolonııa basshylyǵy qoldaý bildirse, er adam baqsha aýmaǵyn eki ese kóbeıtýdi josparlap otyr.
