Aqmola oblysynda jaz bastalǵaly 21 adam sýǵa ketken
KÓKShETAÝ. QazAqparat – Aqmolalyq qutqarýshylar shomylý maýsymyndaǵy statıstıkany jarııa etti. Óńirde 62 adam qutqarylǵan, onyń 11 — balalar, 18 azamatqa dárigerge deıingi kómek kórsetilgen, 21 adam kóz jumǵan, dep habarlaıdy, QazAqparat tilshisi.
Aqmola oblysy TJD baspasóz qyzmeti habarlaǵandaı, shomylý maýsymy bastalǵaly óńirde 62 adam qutqarylǵan, onyń 11 - balalar.
18 azamatqa dárigerge deıingi kómek kórsetilgen. Biraq oblysta sýǵa ketip kóz jumǵandar statıstıkasy ósýde.
Búgingi kúnde osyndaı 21 fakt tirkelgen. Sýǵa ketkenderdiń arasynda úsh kámeletke tolmaǵan bala bar.
«Shomylý kezindegi jazataıym oqıǵalardyń negizgi sebebi – qaýipti jete baǵalamaý, júze almaý, óz kúshin asyra baǵalaý jáne úreılený. Sondaı-aq, qaıǵyly jaǵdaıǵa kóbine mas bolý, alys qashyqtyqqa júzý, daýyldy aýa raıynda shomylý, bulshyqet qurysýy, úrlenetin júzý quraldarynyń jarylýy, balardyń qaraýsyz qalýy, bıiktikten sekirý sııaqty jaǵdaılar sebep bolady. Medıtsınalyq pýnkti men qutqarý quraldary bar arnaıy jabdyqtalǵan jaǵajaıda sýdaǵy qaýipsizdikti qamtamasyz etý ońaı», - dep atap ótti vedomstvo.
Óńir qutqarýshylarynyń aıtýynsha, polıtsııa departamentiniń aýmaqtyq bólimshelerimen birlesip 3624 reıd jáne patrýldeý júrgizildi.
Nátıjesinde 614 adam ákimshilik jaýapqa tartyldy.
Jergilikti atqarýshy organdarmen birlesip 173 qoǵamdyq qutqarýshysy bar 10 kommýnaldyq jaǵajaı jáne 59 jeke jaǵajaı ashyldy.
