Aqmola oblysynda jaıylymdyq jerlerdiń 15 paıyzy maqsatyna saı qoldanylmaı otyr

Búgin QR Parlamenti Májilisinde «Jaıylym týraly» zań jobasy talqylanǵan dóńgelek ústel barysynda Aqmola oblysy ákiminiń birinshi orynbasary Qosman Aıtmuhametov osylaı málim etti.

Ákim orynbasarynyń aıtýynsha, buǵan deıin óńirde Úkimet tapsyrmasy boıynsha jerdi túgendeý sharalary júrgizilgen. Soǵan sáıkes, Aqmola oblysynda barlyǵy 6,5 mln. gektarǵa jýyq jaıylymdyq jer, sondaı-aq buzýshylyqtarmen jáne maqsatyna saı qoldanylmaı otyrǵan 1 mln. gektar jaıylymdyq  bary anyqtaldy. Onyń ishinde 480 myń gektar jyrtylǵan jer bolsa, 660 myń gektary  jaıylymdar», - dedi Q. Aıtmuhametov.

Onyń aıtýynsha, óńirdegi jaıylymdyq jerdiń bári mal sharýashylyǵymen aınalysatyn taýar óndirýshilerdiń aınalymynda tur. Soǵan oraı, keıbir jaǵdaıda jeke úı sharýashylyqtarynda jer jetispeýshiligi baıqalýda.