Aqmola oblysynda jaıaýdyń ólimine sebepker kólik júrgizýshisi izdestirilýde
KÓKShETAÝ. QazAqparat - Aqmola oblysynda jaıaýdyń ólimine sebepker kólik júrgizýshisi izdestirilýde. Bul týraly oblystyq ІІD baspasóz qyzmetinen habarlady.
Polıtseılerdiń məlimeti boıynsha aǵymdaǵy jyldyń 18-19 qyrkúıek kúnderi aralyǵynda «Ekaterınbor-Almaty» tas jolynyń 1345 shaqyrymynda , ıaǵnı Anar stansasynyń mańynda belgisiz kólik 1966 jylǵy jaıaý júrginshini qaǵyp ketken. 50 jastaǵy jaıaý alǵan dene jaraqatynan sol jerde kóz jumǵan. Al, kólik júrgizýshisi oqıǵa ornynan izin sýytqan.
«Qazirgi kezde kólik júrgizýshisine izdeý jarııalanyp, ony anyqtaý baǵytynda keshendi sharalar qolǵa alynǵan. Polıtseıler atalǵan jol kólik oqıǵasyn kórgen, bilgen nemese osyǵan qatysty qandaı da bir aqparattan habardar adamdar bolsa, Aqmol oblysynyń ІІD jergilikti polıtsııa qyzmetine 8 (7162) 29-98-43, 77-44-62, ІІD JPQ kezekshilik bólimine (7162) 77-00-16 nemese 102 telefon nómirleri arqyly habarlasýlaryna bolady», - dep kórsetilgen habarlamada.
