Aqmola oblysynda jasyrynyp júrgen sheteldikter anyqtaldy
KÓKShETAÝ. QazAqparat - Qazaqstan aýmaǵynda zańsyz júrgen shet el azamattary qylmystyq jaýapkershilikke tartyldy, dep habarlaıdy QazAqparat tilshisi.
Aqmola oblystyq ІІD baspasóz qyzmetiniń málimeti boıynsha óńir aýmaǵynda júrgizilgen «Zańsyz kelýshi-2017» arnaıy operatsııasy barysynda 2 qazanynda 24 jastaǵy Ózbekstan Respýblıkasynyń azamaty ustaldy. Tekseris barysynda onyń Qostanaı oblysy Uzynkól aýdandyq sotynyń elden shyǵaryp jiberý týraly qaýlysyn oryndamaǵany anyqtaldy. Sottyń qaýlysyna sáıkes, sheteldik azamat 2016 jyldyń qarasha aıynda el aýmaǵynan shyǵýy tıis bolatyn. Alaıda, jasyrynyp júrgen ol Tselınograd aýdanynyń Qosshy aýylynda ustaldy.
Qazirgi kezde, ózbekstandyq ustalynyp, QR QK 393-baby boıynsha sotqa deıingi is qozǵaldy. Atalmysh sanktsııaǵa baılanysty ózbek azamatyna 300 AEK boıynsha aıyppul salynýy múmkin. Oǵan qosa, 5 jylǵa deıin Qazaqstan Respýblıkasy aýmaǵyna kirýge ruqsat etilmeıtin boldy.
Sonymen qatar, osy kúni Kókshetaý qalasynda kóshi-qon zańyn buzǵan Qyrǵyzstan Respýblıkasynyń azamaty ustaldy. Jalǵan qujat jasaǵan qyrǵyzstandyqtyń da ústinen QR QK 394-babynyń 1-bólimi boıynsha qylmystyq is qozǵalyp otyr.
