15:32, 23 Sáýir 2021 | GMT +5
Aqmola oblysynda jasyryn jumys istegen kazıno anyqtaldy
KÓKShETAÝ. QazAqparat - Aqmola oblysy boıynsha Ekonomıkalyq tergeý departamentiniń qyzmetkerleri Nur-Sultan – Kókshetaý avtojolynda ornalasqan zańsyz jumys istep turǵan kazınony anyqtady, dep habarlaıdy QazAqparat tilshisi.
Vedomstvonyń málimetinshe, tekserý barysynda kazınodan 1 mıllıon teńgeden astam jáne 900 AQSh dollary somasyndaǵy aqsha qarajaty, «poker» oıynyna arnalǵan fıshkalar, oıyn kartalary tabylyp, tárkilendi.
«Osyǵan baılanysty Qylmystyq kodekstiń 307-baby (Zańsyz oıyn bıznesin uıymdastyrý) boıynsha tergeý bastaldy», - dedi Aqmola oblysy boıynsha Ekonomıkalyq tergeý departamenti.
Osy rette, vedomstvo qyzmetkerleri qarjy salasyndaǵy quqyq buzýshylyqtarǵa tap bolǵan nemese osyndaı jaǵdaıdy biletin aqmolalyqtarǵa Aqmola oblysy boıynsha Ekonomıkalyq tergeý departamentine 8 (7162) 25-62-84 senim telefony arqyly habarlasýyn suraıdy.