Aqmola oblysynda «Jastar Otanǵa!» jol kartasy bekitildi
Búgingi tańda Aqmola oblysynda 153 myńnan astam jas turady. Bul oblystyń barlyq turǵyndarynyń 20 paıyzyn quraıdy. Onyń ishinde qalalyq jastar – 45, aýyl jastary – 55 paıyz. 2020 jyly jastar saıasatyn iske asyrýǵa bıýdjetten 468 mıllıon teńge qarjy bólingen. Oblystyń barlyq qalalary men aýdandarynda «Jas Otan» jastar qanatynyń fılıaldary, jastar resýrstyq ortalyqtary jáne jastar birlestikteri jumys isteýde.
Keńeste aıtylǵandaı, «Jastar-Otanǵa!» baǵdarlamasynda 2025 jylǵa deıin uıymnyń jańa maqsattary men mindetteri anyqtalyp qana qoımaı, sonymen qatar Aqmola oblysynda jastar saıasatyn júzege asyrý qyzmetine sapaly taldaý jasalady.
«Nur Otan» partııasy Aqmola oblystyq fılıalynyń «Jas Otan» jastar qanatynyń jetekshisi Sultanbek Bekeshev óz baıandamasynda bul baǵdarlama oblysta belsendi túrde júzege asyrylyp jatqandyǵyn atap ótti.
«Jumyspen qamtý jastar saıasatyndaǵy basty másele bolyp qala bermek. Jastar arasyndaǵy jumyssyzdyq deńgeıi búginde 3,4 paıyzdy qurap otyr. «Eńbek» nátıjeli jumyspen qamtýdy jáne jappaı kásipkerlikti damytýdyń 2017- 2021 jyldarǵa arnalǵan memlekettik baǵdarlamasyn iske asyrý sheńberinde 1769 adamdy jumyspen qamtyldy. 85 adam qysqa merzimdi kýrstarda oqydy. 28 adam grant, 8 adam mıkrokredıt alsa, 142 adam «Bastau Business» jobasy boıynsha oqyp, sertıfıkat alǵan. Bul úlken kórsetkish»,- dedi Sultanbek Bekeshev.
Búgingi tańda stýdent jastarǵa erekshe nazar aýdarylýda. «Dıplommen - aýylǵa!» jobasy sátti júzege asyrylýda. Sonyń arqasynda myńdaǵan jas maman jumys taýyp qana qoımaı, aýyldaǵy mamandardyń jetispeýshiligimen problemany sheshýge kómektesýde. «Dıplommen aýylǵa!» jobasy aıasynda respýblıkalyq bıýdjetten 2021 jylǵa aýyldyq eldi mekenderde jumys isteý jáne turý úshin kelgen áleýmettik sala men agroónerkásiptik keshenniń 339 mamanyna mamandaryna 1 483,6 mıllıon teńge bıýdjettik nesıeler jáne 179,8 mıllıonǵa kóterme járdemaqy berilgen.
2021 jyldyń 1 maýsymyndaǵy jaǵdaı boıynsha 1078 mıllıon teńge 368 kóterme járdemaqy tólendi. 652,3 mıllıon teńgege 154 bıýdjettik nesıe berildi.
Jyl saıyn joǵary oqý oryndarynyń stýdentterine oblystyq bıýdjetten 150 grant, az qamtylǵan jáne kóp balaly otbasylardyń balalaryna oblysqa respýblıkalyq bıýdjet esebinen 120 grant bólinedi. Búgingi kúni 230 stýdent jalpy somasy 107 mıllıon teńgege Aqmola oblysy ákiminiń jeke stıpendııasynyń ıegerleri.
Aldaǵy ýaqytta 5 bilim berý uıymyna 2850 oryndyq stýdenttik jataqhana salynyp, ótken 2020 jyly A.Myrzahmetov atyndaǵy Kókshetaý ýnıversıtetinde 500 orynǵa arnalǵan jataqhana qurylysy aıaqtalyp, paıdalanýǵa berildi.
«Jas Otan» jastar qanatynyń sonymen birge shyǵarmashyl jastarǵa qoldaý kórsetip keledi. Jyl saıyn daryndy jastar arasynda baıqaýlar ótkizip, volonterlik jobalar júıeli túrde júzege asyrylaýda. Oblysta 3 myńnan astam eriktiler qyzmetke tartylǵan. Jastar resýrstyq ortalyqtarynyń janynan 74 volonterlik ortalyq jumys istep tur.
Jasotandyqtar Covid-19 pandemııasyna qarsy kúres kezinde de ózderin belsendi kórsete bildi. Turaqty negizde «Jas Otan» jastar qanatynyń eriktileri «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary sheńberinde áleýmettik muqtaj adamdarǵa, zeınetkerlerge, kóp balaly otbasylarǵa, múgedekterge ataýly kómek kórsetti.
COVID-19 pandemııasy kezinde «Jas Otan» jastar qanatynyń eriktileri «Darigerlerdi ardaqtaıyq!» aktsııasyn uıymdastyryp, dárigerlerge qoldaý kórsetti. Oblys boıynsha 1000-nan astam dárigerge paıdaly taǵamdar, jemister men vıtamınder bar paketter taratyldy.
Jol kartalaryn qalyptastyrý aıasynda qalalarda da, aýyldyq jerlerde de 80-ge jýyq kezdesýler ótkizildi. Kezdesýler jastardyń barlyq sanattary qamtylyp, stýdentter, jastar isi jónindegi komıtetterdiń basshylary, qoǵamdyq pikir kóshbasshylary, sportshylar, jumysshy jastar, mektep oqýshylary, shyǵarmashyl jastar «Jastar Otanǵa!» baǵdarlamasyn iske asyrýdyń 2025 jylǵa deıingi 20 jol kartasyn ázirleýge qatysty. (1 oblystyq, 2 qalalyq jáne 17 aýdan).
Óńirlik jol kartasynda 6 baǵyt boıynsha 27 ındıkator men 60 shara josparlanǵan. Jol kartasynda kórsetilgen barlyq ındıkatorlar partııanyń jáne «Jas Otan» jastar qanatynyń turaqty baqylaýynda bolady.
Jol kartasynyń negizinde jastardyń ózekti máseleleri kóterilip, olardy sheshýdiń tıimdi joldary usynylǵan. Jalpy 2025 jylǵa deıingi«Jastar-Otanǵa!» baǵdarlamasy jas órenderdi jan-jaqty qoldaýdyń negizi bolady dep kútilýde.
Otyrys qorytyndysy boıynsha Saıası keńes bıýrosynyń músheleri «Jas Otan» jastar qanatynyń Aqmola oblysy boıynsha 2025 jylǵa deıingi«Jastar - Otanǵa!» baǵdarlamasyn iske asyrý jónindegi Jol kartasyn bekitti.
