Aqmola oblysynda Jastar kúni erekshe atalyp ótildi
Kókshetaýda oblys ákiminiń orynbasary Aına Mysyrálimova «Kókshetaý avtobýs parki» JShS-de jumys isteıtin jastarmen kezdesti. Búginde kásiporynda 200-den astam adam eńbek etedi, olardyń shamamen 30 paıyzy jastar. Óńir basshysynyń orynbasary jastardy merekemen quttyqtap, olarǵa estelik syılyqtar tabys etti.
«Týǵan óńirdiń ǵana emes, búkil elimizdiń bolashaǵy sizder sııaqty jas mamandardyń qolynda. Búgingi Jastar kúni sizderdiń shyǵarmashylyq jáne kásibı damýda tabysty qadamdaryńyzben, qoǵamdyq, sporttyq jáne áleýmettik saladaǵy jetistikterińizdi atap ótý biz úshin qýanysh. Elimizdiń bolashaǵyn jarqyn jáne jigerli jastar aıqyndaıdy», - dep atap ótti quttyqtaý sózinde Aına Mysyrálimova.
Oblystyq jastar resýrstyq ortalyǵy jastar uıymdarynyń belsendilerimen jáne eriktilermen birlese otyryp, óńir jastaryn qurmetteý boıynsha quttyqtaý aktsııalaryn uıymdastyrdy. Onda jas ǵalymdar, dárigerler, muǵalimder, kásipkerler, Tótenshe jaǵdaılar qyzmetiniń qyzmetkerleri, ónerkásip kásiporyndarynyń qyzmetkerleri, júrgizýshiler, polıtseıler, áleýmettik qyzmetkerler, sondaı-aq kópbalaly otbasylar quttyqtaldy.
«Aurora Garden» demalys aımaǵynda oblystyń jastar resýrstyq ortalyǵy respýblıkalyq jattyqtyrýshy - sarapshylardy shaqyra otyryp, aýdandar men qalalardyń jastar resýrstyq ortalyqtarynyń dırektorlaryna, jastar qoǵamdyq birlestikteriniń kóshbasshylaryna jáne volonterlerge arnalǵan «Youth Camp Aqmola-2021» oqytý lagerin uıymdastyrdy. Іs-shara barlyq sanıtarlyq normalardy saqtaı otyryp ótti.
«Qatysýshylarǵa tájirıbe almasý, túrli is-sharalardy uıymdastyrý jáne ótkizý daǵdylaryna oqytý múmkindigi berildi. Lager óz jumystaryn, jobalaryn tanystyrýǵa jáne shyǵarmashylyq áleýetin ashýǵa arnalǵan ámbebap alań bolyp tabylady», - dep bólisti «Kókshetaý stýdentter Alıansy» KQ jetekshisi Dastan Ermekov.
Jastar kúnine arnalǵan is-sharalar oblystyń barlyq aýdandary men qalalarynda ótkizildi. Olardyń qatarynda belsendi jastarǵa qurmet kórsetý, zııatkerlik oıyndar, beınequttyqtaýlar, túrli quttyqtaý aktsııalary bar. Sharaǵa barlyǵy 5 myńnan astam jas qatysty.
