Aqmola oblysynda jasóspirimdi zorlaǵan úsh kúdikti qamaýǵa alyndy
KÓKShETAÝ. QazAqparat – Tselınograd aýdanynyń úsh turǵyny jasóspirimdi zorlaǵany úshin kúdikke alyndy, dep habarlaıdy QazAqparat tilshisi Aqmola oblystyq PD baspasóz qyzmetine silteme jasap.
Vedomstvonyń málimetinshe, Tselınograd aýdanynyń Qaraótkel aýylynyń kámelettik jasqa tolmaǵan turǵynyna qatysty 2019 jyldyń jeltoqsany men bıylǵy jyldyń maýsym aralyǵynda seksýaldyq sıpattaǵy áreket oryn alǵan.
«Jasóspirim anasynyń aryzy QR QK 122 babynyń 2 bóligi boıynsha (on alty jasqa tolmaǵan tulǵamen jynystyq qatynas nemese seksýaldyq sıpattaǵy áreket) sotqa deıingi tergeý tizilimine engizildi, 2020 jyldyń 13 maýsymynda Tselıngrad aýdandyq PB tústi», - dep atap ótti vedomstvodan.
Sol kúni úsh kúdiktitiniń kim ekeni anyqtaldy. Olar -Tselınograd aýdanynyń 25-26 jas aralyǵyndaǵy turǵyndary.
«Tıisti tergeý amaldary júrgizilip, kúdiktilerdiń jasaǵan qylmysqa qatysy bary anyqtaldy. Qylmysty tergeý sharalary sheńberinde sottyq saraptama taǵaıyndaldy. Kúdiktiler ustalyp, Tselınograd aýdandyq PB ýaqytsha ustaý oqshaýlaǵyshyna qamaldy. Qazirgi kezde, qylmystyq is QR QK 120 babynyń 4 bóligine (zorlaý) aýystyryldy. Іs Aqmola oblystyq PD basshylyǵynyń jeke baqylaýynda»,- dep tolyqtyrdy vedomstvodan.
