Aqmola oblysynda jasóspirim poıyzdaǵy toqtatý kranyn basyp qalǵan
KÓKShETAÝ. QazAqparat - Aqmola oblysynda jasóspirim poıyzǵa keshikken ákesin kútý úshin «toqta-kranyn» basyp, poıyzdy toqtatqan, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
«Anyqtalǵandaı, 13 jasar balanyń ákesi poıyz aıaldaǵan kezde vagonnan shyqqan. Keıin poıyz ornynan qozǵala bastaǵanda keshikken ákesi úshin qoryqqan jasóspirim «toqta-kranyn» basyp ony toqtatqan», - dedi kóliktegi polıtsııa departamenti bastyǵynyń birinshi orynbasary Qalıjan Qoblandın.
Osyǵan baılanysty, jasóspirimniń ákesine qatysty Ákimshilik quqyqbuzýshylyq týraly kodekstiń 560-baby «temirjol kóligi quraldaryn paıdalaný erejelerin buzý» boıynsha ákimshilik hattama toltyrylyp, 5 aılyq eseptik kórsetkish mólsherinde aıyppul salyndy.
«Jyl basynan beri kóliktegi polıtsııa departamentiniń qyzmetkerleri jedel tejeýdiń 367 oqıǵasyn tirkedi, onyń ishinde 12 toqtatý krany buzyldy»,-dep tolyqtyrdy polıtsııa polkovnıgi.
