Aqmola oblysynda jasóspirim men áıel sýǵa ketti
KÓKShETAÝ. QazAqparat - Aqmola oblysynyń Tselınograd aýdanynda Nura ózenine jasóspirim men áıel adam sýǵa ketti, dep habarlaıdy QazAqparat tilshisi QR TJK-nyń baspasóz qyzmetine silteme jasap.
Vedomstvonyń aqparaty boıynsha, 31 shilde kúni tańerteń Tselınograd aýdany R. Qoshqarbaev aýylynan 300 metr jerde Nura ózeninde qutqarýshylar bir kún buryn shomylyp júrip, sýǵa aǵyp ketken 13 jasar jasóspirimniń denesin tapty.
Sol kúni R. Qoshqarbaev aýylynan 3 shaqyrym qashyqtyqta Nura ózeninde sýǵa ketken 32 jastaǵy kelinshektiń denesin alyp shyqty.
Vedomstvonyń aqparaty boıynsha, sýǵa aǵyp ketkender shomylýǵa arnalmaǵan jerde shomylǵan.
