Aqmola oblysynda jasóspirim qyzǵa izdeý jarııalandy

KÓKShETAÝ. QazAqparat – Kókshetaý qalasynyń turǵynynan 2006 jyly týǵan qyzy Leıla Ashatqyzy Toıbazardy izdeýge járdemdesý týraly ótinish kelip túsken, dep habarlaıdy QazAqparat polisia.kz telegram kanalyna silteme jasap.

Jasóspirim 7 qyrkúıek saǵat 15.00 shamasynda úıden belgisiz baǵytqa shyǵyp ketken jáne osy ýaqytqa deıin onyń ornalasqan jeri belgisiz. Ol buǵan deıin de birneshe ret úıden ketip qalǵan.

Boıy – 155 sm, aryq deneli, qońyr kózdi, shashtary qara jáne qysqa, mańdaıynyń oń jaǵynda kishkentaı tyrtyq bar. Ústine qara tústi kúrteshe, qara tústi jılet, basyna qara kepka kıgen.

Qazirgi ýaqytta izdeý jumystaryna eriktiler de qosyldy.

Habar-osharsyz ketken jasóspirimniń ornalasqan jeri týraly qandaı da bir aqparat biletinderden Sátbaev kóshesi, 1 «a» mekenjaıyndaǵy Kókshetaý qalalyq PB-ne nemese 8 (7162) 29 96 00, 8 707 119 87 19 telefondary arqyly habar berý suralady.