Aqmola oblysynda jas geologtardyń dalalyq olımpıadasy ótedi
KÓKShETAÝ. QazAqparat - Aqmola oblysynda jas geologtardyń 5-shi qazaqstandyq ashyq dalalyq olımpıadasy ótedi, dep habarlaıdy QazAqparat tilshisi oblystyq týrızm basqarmasyna silteme jasap.
«Qazaqstandaǵy kóptegen kásiporyndardyń geologııalyq bilimi bar mamandarǵa zárý ekeni jasyryn emes. Sondyqtan, bul máseleni sheshý úshin jastarǵa erte bastan kásibı daıarlyqqa, mamandyqqa baýlýdy úıretý qajet. Balalardyń geologııalyq qozǵalysyn jandandyrý elimizde bul saladaǵy kadr máselesin sheshýde tıimdi qadam bolmaq», - deıdi sharany uıymdastyrýshylar.
Jas geologtar olımpıadasy shildeniń 27-i men tamyzdyń 3-i aralyǵynda Býrabaıdaǵy «Baldáýren» respýblıkalyq oqytý-saýyqtyrý ortalyǵynda ótedi. Sharaǵa Reseı, Tatarstan, Ózbekstan elderi jáne Qazaqstannyń ár óńirinen keletin 15 komanda qatysady.
Olımpıadaǵa «Jas geolog» korporatıvti qory, «Qazgeologııa» aktsıonerlik qoǵamy, «APGO RK» zańdy tulǵalar birlestigi jáne «KONG» qoǵamdyq birlestigi qoldaý bildirip otyr.
