Aqmola oblysynda janyp jatqan páterden zeınetker qutqaryldy
KÓKShETAÝ. QazAqparat – Aqmola oblysynyń Shortandy aýdanynda janyp jatqan páterden 60 jastaǵy zeınetker qutqaryldy, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, órt bıylǵy jylǵy qazannyń 11-de túngi ýaqyt 01:16 shamasynda Shortandy aýdanynyń Naýchnyı kentindegi Baraev kóshesiniń boıynda ornalasqan 2 qabatty, 8 páterli turǵyn úıden shyqqan.
«Órt turǵyn úıdiń birinshi qabatyndaǵy páterden shyqty. Qyzyl jalyn 30 sharshy metrdi aýmaqty sharpydy. Órt sóndirýshiler jedel satynyń kómegimen tereze arqyly páterdiń ishine enip, úı ıesi 1961 jylǵy áıeldi qutqardy. Zeınetker Shortandy aýdandyq aýrýhanasyna jatqyzyldy. Sonymen birge, bir adam evakýatsııalandy», - dedi vedomstvodan.
TJD baspasóz qyzmetinen atap ótkendeı, órt 01:45 aýyzdyqtalyp, 02:00 sóndirildi. Qazirgi kezde órttiń shyǵý sebebi anyqtalyp jatyr.
