Aqmola oblysynda janyp ketken vagonshadan tulǵasy anyqtalmaǵan adamnyń máıiti tabyldy
ASTANA. 1 qazan. QazAqparat - Búgin Aqmola oblysynda Qoshqarbaı aýylynan 20 shaqyrym jerde «Karer qum» JShS-niń vagony órtendi.
Jalyn sharpyǵan aýmaq 16 sharshy metrdi qurady. Tilsiz jaýdy aýyzdyqtaý barysynda QR TJM Aqmola oblysy boıynsha TJD órtke qarsy qyzmetiniń 3 adamy men 1 tehnıkasy jumyldyryldy, dep habarlandy QR TJM-niń baspasóz qyzmetinen.
Sondaı-aq keshe Óskemende «Podsnejnık-2» baǵbandyq alqabynda ornalasqan monshada órt boldy. Jalyn 10 sharshy metr jerdi sharpydy. Órt ornynan kúıik jaraqattarymen 1964 jylǵy er adam men 1982 jylǵy áıel aýrýhanaǵa jetkizildi. Tilsiz jaýdy aýyzdyqtaýǵa QR TJM Shyǵys Qazaqstan oblysy boıynsha TDJ órtke qarsy qyzmetiniń 14 adamy men 2 tehnıkasy jumyldyryldy.
