Aqmola oblysynda janarmaı tsısternasynan shyqqan órt sóndirildi
NUR-SULTAN. QazAqparat – Aqmola oblysynyń Jibek joly aýylynda órtengen tsısterna jalyny tolyǵymen sóndirildi, dep habarlaıdy QazAqparat Nur-Sultan qalasynyń Tótenshe jaǵdaılar departamentiniń baspasóz qyzmetine silteme jasap.
Baspasóz qyzmetiniń málimetterine qaraǵanda, órtti sóndirýge Nur-Sultan qalasy men Aqmola oblysynyń órt sóndirýshileri qatysqan.
Oqıǵa ornynda jeke quramnan 17 adam, 3 qondyrǵy jumys istedi, onyń ekeýi - Nur-Sultan qalasynan jáne 1 - Arshaly kentinen.
«Joldy polıtsııa qyzmetkerleri jaýyp tastap, órt saǵat 19.21-de oqshaýlanyp, saǵat 19.41-de tolyq sóndirildi. Zardap shekkender joq. Órttiń shyǵý sebebi anyqtalyp jatyr»,-delingen habarlamada.
Aıta keteıik, osyǵan deıin, elorda mańyndaǵy eldi mekende janar-jaǵarmaı quıý beketi órtenip jatqanyn habarlaǵan bolatynbyz.
