Aqmola oblysynda jańa sport nysandary turǵyndardy qýantýda
KÓKShETAÝ. QazAqparat - Aqmola oblysynda buqaralyq sportty damytý jáne salaýatty ómir saltyn qalyptastyrý baǵytynda dene shynyqtyrý jáne sport keshenderi, sport zaldary men alańdary jóndelip, jańasy salynýda, dep habarlaıdy QazAqparat tilshisi oblystyq dene shynyqtyrý jáne sport basqarmasyna silteme jasap.
Sport nysandary memlekettik baǵdarlama sheńberinde abattandyrylýda. Jaqynda «Jumyspen qamtýdyń jol kartasy – 2020» baǵdarlamasy sheńberinde Atbasar aýdanynda fýtbol alańy men «Lokomotıv» ortalyq stadıonynda júgirý alańyna kúrdeli jóndeý jumystary júrgizildi.
Merdigerler jankúıerler otyratyn oryndarǵa tsement quıyp, syrtqy jáne ishki qabyrǵalaryn áriledi, plastık oryndyqtar ornatyldy. Jasandy júgirý alańy tóseldi.
«Qalamyzdyń qulpyryp kele jatqandyǵy qýantady. Aýdan ortalyǵyndaǵy stadıon balalar men eresekter sportpen shuǵyldanatyn jalǵyz sport nysany. Kúrdeli jóndeý jumystarynyń aıaqtalýyn asyǵa kúttik. Memleket tarapynan buqaralyq sportty damytý jáne salaýatty ómir saltyn qalyptastyrýǵa erekshe kóńil bólinip otyrǵandyǵy qýantady», - deıdi Atbasar aýdanynyń turǵyny.
Sonymen qatar, stadıon aýmaǵynda modýldi jabyq kort salyndy. Jazdygúni munda jasandy jabyndyda fýtbol oınasa, qystygúni muz aıdyny retinde hokkeı, mánerlep syrǵanaý jáne short-trekpen aınalysýǵa bolady.
Osyndaı sport nysany Esil aýdanynda da ashyldy. Aýdan turǵyndaryna syı retinde ortalyq stadıon jóndeldi.
Aıtalyq, oblysta 19 stadıon jumys isteıdi. Budan bólek, Shortandy jáne Birjan sal aýdandarynda sport nysandaryna kúrdeli jóndeý jumystary jalǵasýda.
