Aqmola oblysynda jańa sport kesheni ashyldy
KÓKShETAÝ. QazAqparat - Aqmola oblysynyń Sandyqtaý aýdanynda qazirgi zamanǵa saı jabdyqtalǵan dene shynyqtyrý sport kesheni ashyldy, dep habarlaıdy QazAqparat tilshisi.
Aýdan ortalyǵy Balkashıno selosynda qoldanysqa berilgen sport nysanynyń ashylý saltanatyna aımaq basshysy Málik Myrzalın qatysyp, sandyqtaýlyqtardy qýanyshtarymen quttyqtady. 180 kelýshige arnalǵan keshenniń qurylysy bıýdjetten bólingen 250 mıllıon teńgege salynǵan.
«Oblysta sporttyq ınfraqurylymdardy damytýǵa zor kóńil bólinýde. Qazirgi zamanǵy sport alańdary, stadıondar, dene shynyqtyrý jəne saýyqtyrý alańdary salynýda. Jyl basynan beri oblysta 35 sport nysany paıdalanýǵa berildi. Jastardyń sportpen shuǵyldanýyna kóńil bólinýde. Bul jaǵynan alǵanda Sandyqtaý aýdanynyń sportshylary kósh bastap tur», - dedi oblys ákimi quttyqtaý sózinde.
Keshenniń ashylýyna qatysqan aımaq basshysy sport nysanynyń ishin aralap kórdi. Ǵımaratta fýtbol, fıtnes alańdary jáne jabyq basseıin bar. Qazirgi kezde aýdan ortalyǵynda 200 oryndyq mekteptiń qurylysy júrgizilýde. Aýdan əkimi Asylbek Ismaǵambetov osy mekteptiń jańynan shaǵynaýdan turǵyzý josparlanyp otyrǵandyǵyn atap ótti.
Sapar barysynda Málik Myrzalın birqatar əleýmettik-óndiristik nysandardy aralap kórdi, sondaı-aq, aýdan aktıvinde óńirdiń 2017 jyldyń toǵyz aıyndaǵy áleýmettik-ekonomıkalyq damýynyń qorytyndylaryn saralap, aldaǵy mindetterdi belgiledi.
