Aqmola oblysynda jańa sport alańy ashyldy
KÓKShETAÝ. QazAqparat - Stepnogorsk qalasynda qazirgi zamanǵa saı jabdyqtalǵan jańa sport alańy paıdalanýǵa berildi, dep habarlaıdy qala ákimdiginiń baspasóz qyzmeti.
Táýelsizdik merekesine oraı tórtinshi shaǵyn aýdanda ashylǵan jańa nysanynyń qurylysyna «Samuryq - Qazyna» AQ «Meniń elim» áleýmettik jobasy sheńberinde demeýshilik kórsetken. Saltanatty sharaǵa Stepnogorsk qalasynyń ákimi Erkebulan Baıahmetov, «Samuryq - Qazyna» AQ ókili, «SP SKZ Qazatomónerkásip» JShS Tóleýjan Jeksembaev qatysty.
«Sport alańynyń ashylýy - qalamyz úshin aıtýly oqıǵa. Jastarymyz bos ýaqytyn sportpen shuǵyldanýmen ótkizip, óz fızıkalyq qabiletterin damyta alatyn bolady. Bul óńirde sportty damytýdaǵy mańyzdy qadam. Aldaǵy ýaqytta bul jumystardy odan ári jalǵastyra beretin bolamyz»,- dedi qala ákimi Erkebulan Baıahmetov.
