Aqmola oblysynda jańa qaýly kúshine endi
Óńirdiń bas memlekettik sanıtar dárigeriniń qaýlysynda Ashyq» jobasynyń qatysýshysy bolyp tabylmaıtyn obektiler úshin oblysaralyq, qalalyq turaqty emes (týrıstik) tasymaldarǵa, oblysaralyq jáne oblysishilik turaqty tasymaldarǵa tyıym salynyp otyr.
Al týrızm obektileri men adamdar ornalasyp turatyn salada qyzmet kórsetetin uıymdarǵa (qonaq úı, otel, demalys úı, týrıstik baza jáne t. b.) tolyqtyrylýy 80 paıyzdan asyrmaı jumys isteýge ruqsat etiledi.
Sulýlyq salondary, shashtaraz, manıkıýr jáne pedıkıýr qyzmetteri, kosmetıkalyq jáne kosmetologııalyq qyzmet kórsetetin obektiler (jazylý boıynsha) aldyn ala jazylý boıynsha, saǵat 07-den 22-ge deıin jumys isteýge ruqsat etiledi.
SPA ortalyqtary senbi jáne jeksenbi kúnderi jumysyn toqtata turyp, saǵat 07-den 22-ge deıin jumys isteýge ruqsat etiledi.
Budan basqa, Ashyq jobasyna qatysatyn obektilerdi qospaǵanda, qoǵamdyq tamaqtaný obektilerinde, úıde, sonymen qatar ashyq aýada otbasylyq, as berý (banket, úılený toı, mereıtoı, duǵa) jáne kópshilik jınalatyn ózge de is-sharalardy ótkizýge tyıym salynyp otyr.
Sonymen birge, kópshilik is-sharalaryn (merekelik, dinı, kópshilik sport, oıyn-saýyq mádenı-kópshilik is-sharalardy, forým, konferentsııa jáne t.b. ótkizýge), otbasylyq is-sharalardy (banket, úılený toıy, mereıtoı, merekelik korporatıv) jáne kópshilik jınalatyn ózge de is-sharalardy, onyń ishinde úıde, sonymen qatar ashyq aýada ótkizýge tyıym salynady.
«Jalpy bilim beretin mektepterde («qyzyl» aımaq): 1-4 bastaýysh synyptar (halyqaralyq mektepterde 1-6-synyptar), 600 oqýshyǵa deıingini qosa alǵanda, sondaı-aq, 600 oqýshydan joǵary – mektepterdiń jobalyq qýatynyń 50 paıyzynan aspaıtyn júktememen shtattyq formatta oqıdy. Bilim berý uıymdarynyń ákimshisiniń qalaýy boıynsha vaktsınatsııanyń tolyq kýrsyn alǵan mektep oqýshylaryn shtattyq formatta oqytýǵa jol beriledi. Joǵary oqý oryndarynda jáne kolledjderde aralas formatta – praktıkalyq, zerthanalyq, semınar sabaqtar, óndiristik praktıka ıkemdi keste boıynsha shtattyq rejımde, dáris onlaın túrde, mektepten tys uıymdarda – shtattyq formatta júzege asyrylady», - delingen qaýylda.
Qaýly qol qoıylǵan kúnnen bastap kúshine enedi.
