Aqmola oblysynda jańa dene shynyqtyrý-saýyqtyrý kesheni salynýda
KÓKShETAÝ. QazAqparat – Arshaly kentinde jańa dene shynyqtyrý-saýyqtyrý kesheni salynyp jatyr. Nysanda shaǵyn fýtbol, basketbol, voleıbol, kúres, jattyǵý zaldary men basseın qarastyrylǵan, dep habarlaıdy QazAqparat tilshisi Aqmola oblystyq dene shynyqtyrý jáne sport basqarmasyna silteme jasap.
Vedomstvonyń málimetinshe, qazirgi kezde nysanǵa ınjenerlik jelini tartý, angar qurylysyn montajdaý, ákimshilik korpýstyń ǵabyrǵasyn turǵyzý, blok-modýldi qazandyqty montajdaý jumystary aıaqtaldy. Fýtbol alańynyń asty quıyldy. A blogynda árileý, ishki elektrmen jabdyqtaý jelisin tartý, basseın jáne káriz ornalastyrý, abattandyrý jumystary júrgizilýde.
Oblystyq dene shynyqtyrý jáne sport basqarmasynyń basshysy Áset Búkibaev atap ótkendeı, buqaralyq sportty damytý úshin mindetti túrde sporttyq ınfraqurylymdar salý kerek. Oblysta osy máselege zor kóńil bólinýde.
«Bıylǵy jyly oblysta dene shynyqtyrý-saýyqtyrý kesheniniń qurylysy júrgizilýde. Bul nysandarda sporttyń birneshe túrimen shuǵyldanýǵa bolady», - deıdi Áset Búkibaev.
