Aqmola oblysynda jańa dene shynyqtyrý-saýyqtyrý kesheni ashyldy
KÓKShETAÝ. QazAqparat - Tselınograd aýdanynyń Aqmol aýylynda zamanýı dene shynyqtyrý-saýyqtyrý kesheni ashyldy, dep habarlaıdy QazAqparat tilshisi.
Aqmola oblystyq dene shynyqtyrý jáne sport basqarmasynyń baspasóz hatshysy Mahabbat Bolshınanyń málimetinshe, eki qabatty ǵımaratta júzý basseıni, mını-fýtbol, voleıbol, gandbol, sheshinetin bólme, jattyqtyrýshy bólmesi, sonymen qatar eki jattyǵý zaly bar, olardyń biri naýqastar men múgedekterdi ońaltýǵa arnalǵan. Budan basqa, medıtsınalyq jáne massaj kabınetteri, múkámmal, ákimshilik úı-jaılary, garderoby bar býfet jáne vestıbıýl bar. Jankúıerler úshin 124 adamǵa arnalǵan yńǵaıly jáne qaýipsiz trıbýna da salynǵan. Dene shynyqtyrý-saýyqtyrý keshenderiniń ashylýy aýyl balalarynyń sporttyq áleýetin ashýǵa kómektesedi.
Aqmola oblysy dene shynyqtyrý jáne sport basqarmasynyń basshysy Áset Búkibaev atap ótkendeı, óńirde 2500 – den astam sport ǵımarattary jumys isteıdi, onyń ishinde aýylda-1736. Osyndaı nysandardyń salynýynyń arqasynda oblysta sportpen turaqty aınalysatyn adamdar sany artty. 2020 jylmen salystyrǵanda bul kórsetkish 5 paıyzǵa artyp, 35,7 paıyzdy qurady (jospar boıynsha-34,3 paıyz), al bul shamamen 263 myń adam.
«Dene shynyqtyrý-saýyqtyrý kesheninde Tselınograd aýdanynyń balalar-jasóspirimder sport mektebi ornalasatyn bolady, onda basketbol, voleıbol, gandbol, fýtbol, boks, dzıýdo, qazaq kúresi, kıokýshınkaı-kan karate, júzý, sadaq atý sııaqty sporttyń 10 túri boıynsha oqý - jattyǵý protsesi júrgiziledi. Aýdanda burynnan osyndaı dene shynyqtyrý-saýyqtyrý kesheninde degen qajettilik bolǵan. Tselınograd sporty árdaıym óz jetistikterimen erekshelendi. Aýdanda sadaq atý, djıý – djıtsý, belbeý kúresi, qazaq kúresi, karate sııaqty sport túrleri boıynsha 13 QR sport sheberi jáne 6 halyqaralyq dárejedegi sport sheberi bar», - dep atap ótti basqarma basshysy Áset Búkibaev.
