Aqmola oblysynda jalǵan nómirli kólik anyqtady
NUR-SULTAN. QazAqparat - Aqmolalyq polıtseıler «Avtomobıl» is-sharasy barysynda jalǵan nómirli avtokólikti anyqtady, dep habarlaıdy Polisia.kz.
18 tamyzda Krımınaldyq polıtsııa basqarmasynyń qyzmetkerleri Áýezov kóshesimen júrip kele jatqan, 38 jastaǵy júrgizýshisi júrgizgen kórineý jalǵan memlekettik tirkeý nómirlik belgileri bar Toyota Highlander markaly avtokóligin anyqtady.
Júrgizýshiniń tirkeý qujattary men agregattardyń túıinderin tekserý barysynda kóliktiń buryn esepten shyǵarylǵany, al keıinirek oǵan reseılik eseptiń jalǵan nómirleri qoıylǵany anyqtaldy.
Qazirgi ýaqytta atalǵan fakti boıynsha QR QK 386-babynyń 1-bóligi (Kólik quralynyń sáıkestendirý nómirin qoldan jasaý, joıý, kórineý jalǵan sáıkestendirý nómiri bar kólik quralyn ótkizý) boıynsha sotqa deıingi is bastaldy. Tártip buzýshynyń kóligi arnaıy turaqqa qamaldy.
Tergeý amaldary jalǵasýda.
Saraptama taǵaıyndaldy.