Aqmola oblysynda jalǵa beriletin turǵyn úıler salynyp jatyr

KÓKShETAÝ. QazAqparat - Aqmola oblysynda baspanaǵa muqtaj azamattar úshin jalǵa beriletin turǵyn úı qurylysy qarqyn alýda. Jalpy óńir boıynsha bıyl jalǵa beriletin 37 turǵyn úı salynýda, dep habarlaıdy QazAqparat tilshisi oblystyq ishki saıasat basqarmasyna silteme jasap habarlaıdy.

«Jumyspen qamtýdyń jol kartasy baǵdarlamasy» aıasynda Egindikól aýylynda birinshi kóppáterli turǵyn úıdiń qurylysy aıaqtalýda. Qazirgi kezde qurylysshylar ǵımarattyń qabyrǵalaryn turǵyzyp, shatyryn ornatty. Endi ishki árileý jumystary júrgizilýde. Merdigerlerdiń aıtýynsha, turǵyn úıdi osy jyldyń ekinshi toqsanynda tapsyrý josparlanǵan.

«Búgingi tańda Egindikól aýdanynda úsh sanat boıynsha turǵyn úı kezeginde 65 adam tur. Olar halyqtyń áleýmettik osal toptary, jetim balalar jáne memlekettik qyzmetshiler. Jańa páterler kezektilik boıynsha úlestiriledi» - dedi aýdan ákimi Erlan Muhamedın.

Bıylǵy jyly jergilikti bıýdjet qarajaty esebinen tartan jabyny bar balalardyń oıyn alańyn ornatý, avtokólik turaǵy salý jáne turǵyn úı aýmaǵyn abattandyrý jumystary júrgiziletin bolady.

Bolashaqta aýdanda turǵyn úı máselesin sheshý úshin taǵy bir jańa 36 páterli turǵyn úı salý josparlanýda.