Aqmola oblysynda zeınetkerdi nemeresi uryp óltirdi
KÓKShETAÝ. QazAqparat – Aqmola oblysynda ájesin óltirdi degen kúdikpen 27 jastaǵy er adam ustaldy, dep habarlaıdy QazAqparat tilshisi.
Oblystyq Polıtsııa departamenti baspasóz qyzmetiniń málimetinshe, 7 qyrkúıekte Tselınograd aýdandyq PB kezekshilik bólimine Nuresil aýylynyń 27 jastaǵy turǵyny habarlasyp, óz úıinde 87 jastaǵy ájesiniń denesin taýyp alǵanyn aıtqan. Oqıǵa ornyna jetken polıtsııa qyzmetkerleri keıýananyń uzaq ýaqyt ishimdikke salynǵan nemeresimen turǵanyn anyqtady. Sot-medıtsınalyq saraptama qarııanyń aýyr dene jaraqatynan kóz jumǵanyn kórsetti.
«Qylmysty ashý úshin tájirıbeli qyzmetkerlerden jasaqtalǵan arnaıy jedel tergeý toby quryldy. Tergeý amaldary barysynda aryz bergen adam áıeldi ózi óltirgeni anyqtaldy. Osyǵan baılanysty keıýananyń 27 jastaǵy nemeresi ustaldy. Ol buǵan deıin de birneshe ret qylmystyq jazaǵa tartylǵan», - deıdi vedomstvodan.
Qazirgi kezde osy oqıǵaǵa baılanysty QR QK 99-babynyń 1-bóligi («Adam óltirý») boıynsha sotqa deıingi tergeý amaldary júrgizilýde.
