Aqmola oblysynda zaýyt aýmaǵynda er adam toqqa túsip, kóz jumdy

KÓKShETAÝ. QazAqparat - Aqmola oblysynyń Tselınograd aýdanynda zaýyt aýmaǵynda er adam toqqa túsip, kóz jumdy, dep habarlaıdy QazAqparat tilshisi.

«Shildeniń 1-inde Tselınograd aýdandyq polıtsııa bólimine jedel járdem stantsııasynyń feldsheri habarlasyp, «Astana-keramıka» kirpish zaýytynyń mańynda júk avtokóligimen jumys isteý kezinde 1976 jylǵy er adamnyń toq soǵyp, kóz jumǵanyn aıtty», - dedi Aqmola oblystyq Polıtsııa departamenti baspasóz qyzmetinen.

Vedomstvodan atap ótkendeı, qazirgi kezde osy oqıǵaǵa baılanysty tekserý júrgizilip jatyr. Sonyń qorytyndysy boıynsha protsessýaldyq sheshim qabyldanatyn bolady. Oqıǵanyń mán-jaıy anyqtalýda.

Aıta ketsek, budan buryn Aqmola oblysynda qurylysshy toqqa túsip kóz jumǵanyn jazǵan bolatynbyz.