Aqmola oblysynda zańsyz oıyn bıznesin uıymdastyrý deregi anyqtaldy

KÓKShETAÝ. QazAqparat - Aqmola oblysy boıynsha Ekonomıkalyq tergeý departamenti oblys aýmaǵynda zańsyz oıyn bıznesin uıymdastyrý deregine baılanysty Qylmystyq kodekstiń 307-babynyń 1-bóligi boıynsha sotqa deıingi tergeý amaldaryn qolǵa aldy, dep habarlaıdy QazAqparat tilshisi.

Aqmola oblysy boıynsha Ekonomıkalyq tergeý departamenti baspasóz qyzmetiniń málimetinshe, jedel-izdestirý is-sharalary barysynda anyqtalǵandaı er adam «Lotomatic» lotereıa ónimderi túrinde Makınsk jáne Şýche qalalarynda zańsyz oıyn termınaldaryn ornatqan.

«Tergeý sharalary barysynda oıyn termınaldary men aqsha qarajaty tárkilendi. Ózge aqparat QR Qylmystyq protsessýaldyq kodeksiniń 201-baby tártibinde tergeý múddesi aıasynda jarııa etilmeıdi», - dedi Aqmola oblysy boıynsha Ekonomıkalyq tergeý departamentiniń baspasóz qyzmetinen.

Aıta ketsek, budan buryn Qazaqstanda 22 jyl izdeýde bolǵan aqmolalyq Reseıde ustalǵan edi.