Aqmola oblysynda zańsyz esirtki saýdasymen aınalysqan 2 er adam qolǵa tústi

Bul týraly oblystyq ІІD baspasóz qyzmetinen habarlady.

Polıtseılerdiń málimeti boıynsha Makınsk qalasynyń turǵyny turǵylyqty jerinde uzaq ýaqyt boıy zańsyz esirtki saýdasymen aınalysyp kelgen eken. Satyp alýshy bolyp barǵan polıtseılerge ol 9 gramm marıhýanany satpaq bolǵan kezde qolǵa tústi. Keıin onyń úıin tintý barysynda osyndaı zat salynǵan polıetılen qapshyq tabylǵan.

Al, ekinshi adam Kókshetaý qalasynda ustaldy. Onyń oblys ortalyǵyndaǵy JOO-nyń 21 jastaǵy stýdenti ekeni anyqtaldy. Kúdikti esirtkini satyp qana qoımaı, ózi de paıdalanǵan. Stýdent narkopolıtseılerge 3 gramm esirtki satyp, qolǵa tústi. Ustalǵan kezde, onyń esirtkige mas bolǵany anyqtaldy. Balasynyń zańsyz esirtki saýdasymen aınalysyp júrgenin birge turǵan ata-anasy da baıqamaǵan.

Qazirgi kezde, alynǵan dáıekter saraptamaǵa jiberilip, kúdiktilerdiń ekeýi de ýaqytsha ustaý oqshaýlaǵyshyna toǵytyldy. Sonymen qatar, olardyń ústinen QR QK 297 baby (zańsyz esirtki saýdasymen aınalysý) boıynsha qylmystyq is qozǵaldy.